བོད་ཟླ་ ༠༧ ཚེས་ ༢༡ ཉིན་མོ་འདི་བཞིན་བདག་ཅག་གི་སྟོན་པ་སངས་རྒྱས་བཅོམ་ལྡན་འདས་ཀྱིས་ཡུལ་ཝཱ་རཱ་ཎ་སཱིར་བདེན་བཞིའི་ཆོས་འཁོར་བསྐོར་བར་མཛད་པའི་དུས་ཆེན་ཁྱད་པར་ཅན་ཞིག་འཁེལ་གྱི་ཡོད་ཅིང་།
ཉིན་འདིར་བོད་ཕྱི་ནང་ཀུན་ལ་བོད་མི་ཚོས་ཕྱག་འཚལ་བསྐོར་སྦྱོང་དང་། དགེ་སྒྲུབ་སྡིག་སྤོང་གི་ཉིན་མོ་གལ་ཆེར་ངོས་འཛིན་ཞུ་གི་ཡོད་པ་རེད། གཤམ་ལ་ཨ་རིའི་ཁེ་ལི་ཕོར་ནི་ཡའི་སེན་ཕ་རེན་སིསྐོ་ཉེ་འདབས་སུ་ཡོད་པའི་སེར་བྱེས་ཆོས་ཚོགས་ཀྱི་རྒན་དགེ་བཤེས་བློ་བཟང་རྡོ་རྗེ་ལགས་སུ་ཉིན་མོ་འདིའི་གལ་གནད་དང་གནད་འགག་ཇི་ཡིན་སོགས་ཀྱི་ཐད་ལ་གསར་འགོད་པ་བཀྲིས་དབང་ཕྱུག་ལགས་ཀྱིས་གླེང་མོལ་བཀའ་འདྲི་ཞུས་པར། ཁོང་གིས་བདེན་བཞི་ཆོས་འཁོར་དང་ནང་ཆོས་དང་འབྲེལ་བའི་བཀའ་སློབ་ཁག་གཙོ་བོ་༧གོང་ས་༧སྐྱབས་མགོན་ཆེན་པོ་མཆོག་གི་བཀའ་སློབ་ལས་སློབ་སྦྱོང་མཐིལ་ཕྱིན་བྱེད་རྒྱུ་ཡོད་པ་འདིར་ཚང་མས་སློབ་གཉེར་གནང་རྒྱུ་གལ་ཆེ་ཡིན་པ་གསུངས་ཡོད་པ་རེད།
